2017 senesi baar çağıruvı çerçivesinde Rusiye Federatsiyası Silâlı quvetler sıralarına 1,5-dan 2 biñge qadar Qırım sakini çağırılacaqtır.
Bu aqta Qırım Cumhuriyeti arbiy komissarı Anatoliy Maloletko bildirdi.
«Bu sene Qırımda çağıruv, küzge baqqanda, biraz ziyade olacaq. Bu, Qara deñiz flotu içün mütehassıslarnı almaq kerek olğanınen bağlı. Silâlı quvetler sıralarına bir yarımdan eki biñge qadar Qırım sakinini çağırmağa planlaştıramız», – dep ayttı komissar.
Tahminlerge köre, eki yüzge yaqın Qırım sakini Rusiyeniñ diger regionları arbiy bölüklerine kerekli ihtisas almaq içün yollanılacaqtır, dep bildire «RİA Novosti».
Kontrakt boyunca arbiy hızmetke saylav noqtasınıñ müdiri Sergey Ardaşevniñ sözlerine köre, kerekli mütehassıs cedveline, esasen, tibbiy ve tehnikiy ihtisasları kire.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
