Aqmescit ocalarına qoşma 5-er biñ ruble tölenilecek

17.02.201710:35

Aqmescit (Simferopol) şeer şurası yaş pedagoglar ve istidatlı talebelerge içtimaiy destekniñ miqdarını belgiledi. Ocalarğa er ay beşer biñ ruble tölenilecek, talebeler ise bir kere 10 biñ rublenen mukâfatlandırılacaq.

Böyle qarar fevral 16-da şeer şurasınıñ nevbetteki toplaşuvında alındı.

Aqmescit memuriyeti maarif idaresi müdiriniñ muavini Yevgeniya Kislitsinanıñ sözlerine köre, bu, maarif müessiselerinde kadrlar yetmemezligi meselesini çezer ve ilim, sanat, sport saalarında ayrı qabiliyetler köstergen istidatlı balalarnı belgilemege yardım eter.

Para şeer bücetinden ayırılacaqtır.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET