Ay-Petride tursitlerniñ avtomobilnen yürmesi yasaq etilecek

18.02.201712:50

Ay-Petri dağında turistlerge tek ayaqmaşna ve çana vastasınen yürmege ruhset etilecek.

Bu aqta Yalta memuriyeti yolbaşçısı Andrey Rostenko bildirdi.

Yalta ükümeti Ay-Petride ekoturizmni inkişaf etecek ola.

Rostenkonıñ sözlerine köre, territoriyanıñ inkişaf leyhası boyunca bu yerde avtomobillerniñ areketi tolusınen yasaq etilecek.

Kelecekte Ay-Petri dağında turistler cayav, ayaqmaşna ya da qış çanası vastasınen areket ete bilecek, çünki bu, qoruq territoriyasıdır.

Hatırlatamız ki, bundan evel Qırım ükümeti noyabr 1-ge qadar Ay-Petri dağında yerleşken ticariy obyektlerni yoq etmege emir etti. Ticariy noqtalarnıñ saipleri ise, yarımada ükümetine öz qavehanelerini yoq etmege bermez, çünki, iş adamlarınıñ haber etkenlerine köre, olarnıñ em ukrain, em de rusiyeli bütün kerekli vesiqaları bar.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET