Putin Donetsk ve Lugansk halq cumhuriyetleriniñ pasportlarını tanıma aqqında fermannı imzaladı

19.02.201714:05

Rusiye prezidenti Vladimir Putin fevral 18-de Donetsk ve Lugansk vilâyetlerinde ayrı rayonlarda berilgen «pasport» ve diger «vesiqalarnı» tanığan fermannı imzaladı.

«Ukrainanıñ Donetsk ve Lugansk vilâyetleriniñ ayrı rayonlarında yaşağan Ukraina vatandaşlarına ve vadandaşlığı olmağan şahıslarğa berilgen vesiqalarnıñ tanılması aqqında ferman» metninde aytıla ki, böyle qararnı Putin «halqara içtimaiy uquq printsip ve qaidelerine esaslanıp, insan ve vatandaş aqları ve serbestligini saqlamaq maqsadınen» aldı.

Bunen beraber, fermanda qayd etile ki, Ukraina vatandaşları ve vatandaşlığı olmağan şahıslar bu vesiqalar boyunca Rusiyege kire bile, ve Rusiyeden viza yapmadan çıqa bile, dep bildire «Moskovskiy komsomolets».

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET