New-York şeerinde Birleşken milletler teşkilâtında Rusiye daimiy temsilcisi Vitaliy Çurkin vefat etti

20.02.201721:20

Birleşken milletler teşkilâtında (BMT) Rusiye daimiy temsilcisi Vitaliy Çurkin 64 yaşında olıp vefat etti.

Bu aqta malümat Rusiye Tışqı işler nazirliginiñ saytındaki resmiy beyanatta bildirile.

«Rusiye TİN-i qaar ile bildire ki, fevral 20-de, 65 yaşını tolduracağına bir kün qalğanda, New-York şeerinde Birleşken milletler teşkilâtında Rusiye Federatsiyasınıñ Daimiy Temsilcisi V.İ. Çurkin vefat etti. Vitaliy İvanoviç Çurkinniñ soy-sopları ve yaqınlarına teren taziye bildiremiz», – dep aytıla müessiseniñ beyanatında.

Qayd etile ki, diplomat iş yerinde vefat etti.

Fevral 21-de Vitaliy Çurkin 65 yaşını tolduracaq edi.

O, BMT-da RF daimiy temsilcisi ve BMT Havfsızlıq şurasında RF temsilcisi vazifesine 2006 senesi aprel 8-de tayinlendi.

BMT-da çalışqan vaqıtta Çurkin Rusiye Federatsiyasınıñ noqta-i nazarını BMT Havfsızlıq şurası toplaşuvlarında 2008 senesi avgust ayında Rusiye ve Gürcistan arasındaki davanıñ kerginleşken vaqtında qorçalay edi. O, BMT Havfsızlıq şurasında faaliyetini alıp barğan vaqıtta bir qaç sefer veto aqqını qullanğan edi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET