Ahtem Seytablayev Kiyevde «Qırım evi» müdiri oldı

21.02.201716:50

«Qırım evi» devlet müessisesiniñ müdiri vazifesine namzetler yarışınıñ ğalibi rejissör ve aktör Ahtem Seytablayev oldı.

Bu aqta Ukraina Medeniyet nazirliginiñ matbuat hızmeti bildirdi.

«Qırım evi» 2016 senesi fevral 27-de Kiyevde açıldı. Müessise Qırım meselelerinen oğraşqan bir sıra teşkilâtlarnı birleştirdi.

Dekabr ayınıñ soñunda Ukraina Medeniyet nazirligi saytında «Qırım evi» müdiri vazifesine namzetler yarışı ilân etildi.

Ahtem Seytablayev 1944 senesi qırımtatar halqınıñ sürgünligi aqqındaki «Haytarma» filminiñ rejissörı ola, şimdiki vaqıtta antiterroristik ameliyat keçirilgen topraqta ukrain askerleri aqqındaki «Kiborgi» filmini çıqara.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET