Aqmescitte tintüv neticesinde 10 insan yaqalandı

21.02.201713:21

Bugün, fevral 21-de Aqmescitteki (Simferopol) civarındaki Boğurça (Kamenka) qırımtatar qasabasında Marlen Mustafayevde tintüv keçirildi.

Mühbir Anton Naumlükniñ malümatına binaen, tintüv keçirilgen yerde yaqalanğan kişilerden arasında Mustafayevge qol tutmaq içün kelgen Osman Arifm, Remzi Bekirov, Ruslan Suleymanov, Riza İzetov, Alim Karimov, Valid Abu Farid, Seyran Murtazayev ve digerleri oldı. Umumen olaraq, tahminen 10 insan Aqmescitteki Kiyev rayon politsiya bölügine alıp ketirildi. Bundan evel politsiya hadimleri megafon vastasınen ilân etti ki, toplaşqan insanlar kütleviy merasimler keçirüv aqqında qanunnı boza.

Marlen Mustafayev işke ketkende yaqalandı ve Ekstremizmge qarşılıq merkezine alıp ketirildi. Evde onıñ apayı, esli-başlı anası ve 4 ayındaki balası qaldı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото: Антон Наумлюк
Foto: Anton Naumlük

Author: Редакция Avdet

Avdet gazetası