Jamala Yuna mukâfatı boyunca eñ yahşı ukrain yırcısı sayıldı

22.02.20179:00

Jamala Yuna-2017 Milliy mukâfatı boyunca birden üç ğalebe qazandı: «Eñ yahşı solo-artist», «Eñ yahşı yır» ve «Eñ yahşı duet» namzetliklerinde.

Bu aqta onıñ kiyevi Seit-Bekir Suleymanov Facebook saifesinde bildirdi.

«Kene de ğalebe!!! Seneniñ eñ yahşı solo-artisti, eñ yahşı yır, eñ yahşı duet! Hayırlayım canım!!! Ma şa Allah!!!» – dep yazdı o.

Mukâfatlandıruv merasimi tünevin, fevral 21-de, «Ukraina» Sarayında keçirildi.

Yuna-2017 mukâfatınıñ namzetlerini 100-den ziyade ihtisaslı muzıka eksperti sayladı. Mukâfatlandıruv merasimi çerçivesinde bütün kategoriyalardaki ğalipler ilân etildi, bularnıñ arasında «Eñ yahşı solo-artist», «Eñ yahşı rok gruppası», «Eñ yahşı pop-gruppa», «Eñ yahşı albom», «Eñ yahşı videoklip» ve digerleri.

Jüri eñ yahşı yır «1944» türküsi, eñ yahşı duet – «Zamanili» türküsini yırlağan Jamalanen DahaBraha olğanını saydı.

Bundan da ğayrı, eñ yahşı rok gruppası The Hardkiss, pop-gruppa «Vremâ i Steklo» sayıldı, eñ yahşı albom olaraq MONATIKZVUCHİT – Monatik, videoklip – «Krujit» – Monatik, kontsert şou – The Hardkiss gruppasınıñ 5 yıllığına bağışlanğan «#thehardkissfive» kontsertleri tanıldı. «Muzıkada ayrı muvafaqiyetler içün» namzetliginde «TNMK» gruppası ğalebe qazandı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası