Qırımda nefaqa alğan 2500 kişi topraq damartıları berilmesine ariza berdi

22.02.20179:40

Topraq damartısı berilmesine eñ büyük nevbet Aqmescitte (Sİmferopol) tizildi: bu yerde nevbetke turmaq içün 2561 ariza berildi.

Bu aqta Qırım Cumhuriyeti Mülk ve topraq meseleleri boyunca komitetniñ reisi Yevgeniya Dobrınâ bildirdi.

«Bu sene fevral 1-ge qadar eñ büyük nevbet Aqmescitte tizildi, bu yerde nevbetke turmaq içün 2561 ariza berildi. Bulardan işlep baqılğan arizalarnıñ sayısı 2299 teşkil ete, ariza bergen 27 kişiniñ nevbetke alınuvı red etildi, topraq damartısı berilmesi aqqında 27 qarar alındı», – dep añlattı Dobrınâ.

Onıñ sözlerine köre, Bağçasaray rayonında nefaqa cedveline kirsetilmek içün vatandaşlar 591 ariza berdi, ariza bergen 31 kişiniñ nevbetke alınuvı red etildi, topraq damartısı berilmesi aqqında 44 qarar alındı, dep bildire QC Devlet Şurasınıñ matbuat hızmeti.

«Aynı vaqıtta Sudaqta – 287 berilgen ariza (işlep baqılğan – 287, red etilgen – 74, topraq berilmesi aqqında qararlar alınmadı)», – dep ayttı Dobrınâ.

Memurnıñ qayd etkenine köre, vatandaşlarğa topraq damartıları ayırılması Qırım Cumhuriyeti territoriyalarınıñ esas inkişaf planlarınıñ işlep çıqarılması ve qayd etilmesine bağlı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası