Aqmescitteki (Simferopol) Geroyev Stalingrada soqağı rayonında «deñiz» peyda oldı – büyük gölçik ticariy binalar yanında cayıldı.
Bu aqta Qırım mühbiri Zera Emirsuin Facebook saifesinde yazdı.
Yerli sakinlerniñ bildirgenlerine köre, bu «deñiz» bir qaç yıl devamında bu yerde ep peyda ola, ve bütün bu vaqıt devamında şeer akimiyeti ve iş adamları olardan meseleni kim çezmek kerek olğanından munaqaşa yapa.
«Onıñ (iş adamınıñ, – Avdet) ticariy binasıdır, o, ticariy noqtalarnı kirağa bere, demek ki, yanındaki territoriyalarnı da abadanlaştırmaq kerek. Şeer böyle fikirdedir. İş adamı, öz nevbetinde, ayta ki, onıñ mesüliyetine ait olğan territoriya binanıñ soñki basamağında bite. Şeer areket etken naqliye taqımı turağı içün ayırılğan meydançıqnıñ abadanlaştırılmasını taşıyıcılarğa buyuracaq edi, lâkin taşıyıcılar ayta ki, bunı şeer yapmalı, çünki olar bergini şeer (cumhriyet) bücetine töley», – dep bildirdi Zera Emirsuin.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
