Qırımtatarlar politsiya bölügine kelip, azat etilgen vatandaşlarını qarşıladı

26.02.201715:00

Bugün, fevral 26-da Aqmescitteki (Simferopol) Demiryol rayonı politsiya bölügine onlarca qırımtatarlar kelip, Marlen Mustafayevniñ evinde keçirilgen tintüvden soñ yaqalanğan vatandaşlarını qarşıladı. Birinci gruppa – dört kişi kündüz azat etildi, qalğanlar ise aqşam azat etilecek.

Bu aqta «Radio Svoboda» mühbiri Anton Naumlük Facebook saifesinde bildirdi.

«Politsiya keldi. «Bu yerde başıñız kim?» – dep soray politsiya hadimi. «Böyle soyları yoq», – dep cevap berildi. – Ğaliba, onlarca adamlar nasıldır teşkilât ve «baş» olmadan toplana bilgenine pek te inanmadı», – dep yazdı o.

Avdetniñ bildirgenine köre, fevral 21-de Marlen Mustafayevniñ Boğurçada (Kamenka) evinde OMON iştiragi ile tintüv keçirildi. O, Rusiyede yasaq etilgen «Hizb ut-Tahrir» teşkilâtınıñ timsali olğan resim ile içtimaiy ağda eki yıl evel beyanatnı paylaşqanı içün yaqalanıp, 11 kün memuriy yaqalavnen cezalandı. Aynı vaqıtta politsiya hadimleri Mustafayevge qol tutmaq içün kelgen ve olğan vaqianı videoğa çıqarğan 10 qırımtatarnı yaqaladı. Tintüv keçirilgen Marlen Mustafayevniñ evine kelgen 11 qırımtatar kişi (Ruslan Suleymanov, Osman Arifmimetov, Remzi Bekirov, Mecit Abdurahmanov, Ablâkim Abdurahmanov, Valid Abu Farid, Seyran Murtazayev, Alim Karimov, Reza İzetov, Enver Tasinov) kütleviy merasimlerni keçirüv aqqında qanunnı bozğanları içün memuriy ceza olaraq 5 künge yaqalandı.

арестованные1

İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET