Fevral 26-da Aqmescitte (Simferopol) Qırım musulmanları birinci müftisi, qırımtatar ükümetiniñ reisi Noman Çelebicihannıñ hatırasına bağışlanğan «Ant etkenmen» talebelerara yarışnıñ neticeleri çıqarıldı.
Endi dörtünci sefer keçirilgen konkursnıñ teşebbüsçileri, qırımtatar milliy areketi faalleri ve cemaat erbapları oldı.
«Bugünki vaziyetke baqmadan, bu ananeni devam etmege qarar aldıq, çünki onıñ manası pek büyüktir. Çelebicihannıñ ömrü yaşlarımız içün örnek olsun», – dep ayttı qırımtatar faali Nariman Celâl.
5-11-ci sınıf talebeleri eki namzetlik boyunca yarışlaştı: «Numayış» ve «İfadeli oquv». «Numayış» namzetliginde birinci yerni Elmaz Zevriyeva aldı, «İfadeli oquv» boyunca ise, Anife Bakşişeva ğalip çıqtı, dep bildire Crimeantatars.club.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
