9 yaşındaki Enver Sefidinov Kiokuşın karate (IKO) boyunca Dnepropetrovsk vilâyetiniñ açıq çempionatında balalar, yigitler ve yuniorlar arasında «kumite» bölüginde birinci yerni qazandı.
Torunınıñ ğalebesi aqqında Avdetke Rustem Refat bildirdi.
Onıñ sözlerine köre, bu, oğlannıñ soñki eki afta devamında endi ekinci ğalebesidir. Böyleliknen, fevral 6-da o, Kiokuşın karate boyunca 9-ıncı ananeviy açıq «Zaporizka Siç» çempionatınıñ ğalibi çıqtı.
Enver 8-9 yaşındaki oğlanlar arasında ve 35 kg. qadar yük kategoriyasında ğalebe qazandı.
Avdetniñ evel bildirgenine köre, bu künleri Qırım sportçusı Tamila Umerova Thekvondo boyunca Rusiye Çempionatı ve Birinciliginde 1-ci yer qazandı. Çempionat ve Birincilikte daa bir ğalebeni aqaylar arasında Şevket Umerov ketirdi. O, 85+ kg. yük kategoriyasında iştirak etti.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
