Mayıs 1-den Soçi-Yalta-Aqyar-İstanbul layneri yürip başlaycaq

28.02.201715:00

Bu sene mayıs 1-den Soçi-Yalta-Aqyar-İstanbul marşrutı boyunca kruiz layneri yürip başlaycaq.

Bu aqta Aqyar gubernatorınıñ vazifesini vaqtınca eda etken Dmitriy Ovsânnikov bildirdi.

«Rosmorport» müessisesi ile muzakereler neticesinde olar, mayıs 1-den Soçi-Yalta-Aqyar-İstanbul kruiz layneri işke tüşürilsin dep, satın alğan kruiz gemisi kösterildi», – dep bildirdi Ovsânnikov.

Onıñ qayd etkenine köre, laf, tez yürgen yolcu naqliye aqqında degil de, hususan kruiz gemisi aqqında kete. Aqyar, Ovsânnikovnıñ sözlerine binaen, gemi içün iskeleni taqdim etecek.

Dmitriy Ovsânnikovnıñ añlatqanına köre, turistler işbu leyhadan meraqlansa, Rosmorport kelecekte bu yönelişni inkişaf etmege azır.

«Birinci adım atılğanı, gemi satın alınğanı ve mayıs 1-de işke tüşürilmesine azırlanılğanı bunı tasdıqlay», – dep ayttı Ovsânnikov, bildire TASS.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET