Fevral 27-de, bazarertesi künü Keriç yolunda Havuz (Primorskiy) köyü rayonında 13 yaşındaki balanı maşna urdı.
Yol areketi havfsızlığı devlet inspektsiyası Kefe (Feodosiya) bölüginde bildirdiler ki, saat 14:50-de VAZ-2106 avtomobiliniñ aydayıcısı, Keriç tarafına areket etip, yolnı kelişmegen yerde keçken oğlannı urdı.
Bala, avtomobil üstünden uçıp ketip, yaralandı, amma, yahşı ki, sağ qaldı. Qaza neticesinde balanıñ qafa-miy ve diger yaraları belgilendi. O, Kefe şeer hastahanesine ketirildi.
Avdetniñ bildirgenine köre, fevral 26-da, gece tahminen saat 3-te Aqmescit-Kefe (Simferopol-Feodosiya) yolunda Aqmescit civarındaki Qalmuq Qarı (Dmitrovo) köyüne burulışqa yaqın bir yerde VAZ-2112 avtomobiliniñ iştiragi ile qaza yüz berdi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
