Ukraina-Qırım sıñırında vesiqalarnı resmiyleştirmek mümkün olacaq

28.02.201715:40

Bu sene Qırım ve Ukraina arasındaki sıñırda ealige memuriy hızmetlerni taqdim etüv merkezleri peyda olacaq.

Bu aqta Ukraina infrastruktura naziriniñ muavini Yuriy Lavrenük bildirdi.

Lavrenükniñ sözlerine köre, ukrain keçirüv noqtalarında mahsus merkezlerde er Qırım sakini ukrain vesiqalarını yaptıra bilecek, dep bildire UNN.

«O yerge Ukrainanıñ er vatandaşı kelip, pasport, spravka, şeadetname kibi vesiqlarnı yaptıra bilecek. Bu oñaytlı olmaq kerek», – dep ayttı Lavrenük.

Merkezlerniñ teşkil etilmesine para Ukraina bücetinden ayırılacaq. Fevral 27-de Herson vilâyetinde Qırım-Ukraina sıñırında çalışqan kontrol-keçirüv noqtaları kütleviy şekilde teşkerilip başladı. Ukrain memurlarından ibaret olğan komissiya üç keçirüv noqtasını baqıp çıqtı. Ermeni Bazardaki (Armânsk) «Kalançak» keçirüv noqtasında avtostantsiya yapılacağı aqqında qarar alındı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.