Aqmescitte köpür bozula

01.03.201713:45

Aqmescitteki (Simferopol) Gagarin bağçasında Salğır özenindeki köpürlerden biri kergin vaziyette buluna.

Köpür Pavlenko soqağınıñ başı rayonında, Qırım Cumhuriyeti Yuqarı mahkemesi artında yerleşe ve Belli olmağan askerniñ Qabirindeki Ebediy ateşke alıp bara.

Abide 2015 senesi tamir etildi. Ebediy ateşke alıp barğan yollar ve cayav yolçıqları da abadanlaştırıldı.

Yaqında, fevral 23-te bu yerge Qırım ükümeti Vatan qoruyıcısı kününe bağışlanğan merasimler çerçivesinde abidege çiçekler qoymaq içün kelgen edi. Köpürniñ alına, ğaliba, diqqat etmediler.

Er kün bozulayatqan köpürden yüzlerce adamlar keçe. Olarnıñ çoqusı qayd ete ki, bozuluvlarnı kördi.

«Bir zamanda o yerde çapa ve ayaqmaşnanen keze edik. Şimdi ise yürmesi de qorqunçlı, ayaqlarıñnı qırarsıñ», – dep ayta Aqmescit sakinleri.

İşte, şeer sakinleri Salğırnıñ bütün yalı kenarınıñ alından açuvlana, olarnıñ sözlerine köre, bu yer çöplükke oşay, dep bildire «03652».

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET