İlmi Umerovnıñ davası boyunca taqiqat yekünlendi

01.03.201719:10

Ekstremizmnen qabaatlanğan qırımtatar faali İlmi Umerovnıñ cinaiy işi boyunca taqiqat yekünlendi ve yaqında mahkemege teslim etilecek.

Bu aqta onıñ adliyecisi Emil Kurbedinov bildirdi.

Bugün cinaiy iş malümatınıñ ögrenilüvi başlandı. Umumen olaraq, o yerde üç tom bar, olarnıñ er biri eki yüzden ziyade saifeden ibarettir.

«Bir tomnıñ fotonushalarını yaptıq, yaqın künlerde diger tomlarnıñ fotonushalarını yaparmız. Bundan soñ taqiqatçığa nisbeten bir qaç şefaat arizamız olacaq. Bellesem, bir ay devamında iş mahkemege teslim etilecek ve onıñ baqılması başlanacaqtır», – dep añlattı Kurbedinov.

Avdetniñ bildirgenine köre, cinaiy iş daa yekünlenmegen vaqıtta qırımtatar faali İlmi Umerov Maliye nezareti Federal hızmetiniñ saytında yerleştirilgen terrorist ve ekstremistler cedveline kirsetildi. İşbu cedvelde o, 5826 nomerinen qayd etilgen.

Bundan evel, noyabr 2-de Rusiye Federal havfsızlıq hızmetiniñ Qırım idaresinde Qırımtatar Milliy Meclisi reisiniñ muavini İlmi Umerovğa qabaatlı olaraq celp etüv aqqında yañı qarar çıqarıldı ve taqdim etildi.

Belli özbek ve rus yazıcısı, sovet klassigi Timur Pulat İlmi Umerovğa qol tutqanını bildirdi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET