Fevral 28-de Qırım Yuqarı mahkemesi «Hizb ut-Tahrir» işi boyunca Yaltada yaqalanğan Refat Alimov ve Arsen Cepparovnıñ apiste bulunma müddeti devam ettirilmesi aqqında Aqmescitteki Kiyev rayon mahkemesiniñ qararını deñiştirmeyip qaldırdı.
Bu aqta adliyeci Edem Semedlâyev bildirdi.
Semedlâyevniñ sözlerine köre, Qızıltaş (Krasnokamenka) köyü sakinleri Refat Alimov ve Arsen Cepparovnıñ apiste bulunma müddeti 2017 senesi aprel 8-ge qadar uzattırılğan.
Avdetniñ evel bildirgenine binaen, Boğurça (Kamenka) qasabasınıñ sakinleri Marlen Mustafayev, Osman Arifmimetov, Alim Karimov ve daa üç Qırım sakininiñ işi boyunca şikâyet arizalarınıñ baqılması toplaşuvı mart 1-ge şaatlarnıñ çağırılması sebebinden keçirildi.
Foto: Qırım.Aqiqat
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
