Baarniñ ilk ayı yarımadada sıcaq ve aman-aman yağmursız ava olacaqtır.
Bunı ava vaziyeti tahminleri boyunca malümat tasdıqlay.
Sinoptiklerniñ malümatına binaen, birinci on kün küneşli ava olacaq, mart ortasında yağmurlar yağacaq, biraz suvuq olacaq, bundan soñ ava kene de eyileşecek, sıcaq kelecek, dep bildire «İskra».
Aqmescitte (Simferopol) mart ortasında gece -2 ve kündüz +3 derece olacaq, bundan da ğayrı, yağmurlar yağacaq. Amma bu çoq devam etmeycektir: aynıñ başı ve soñunda ava küneşli ve sıcaq olur: kündüz +20 ve gece +9 derece.
Aqyarda (Sevastopol) baarniñ birinci ayı küneşli, amma suvuq olacaq, yağmur tek bir qaç kün devamında yağacaq. Mart ortasında kündüz ava arareti +4+6 dereceni teşkil etecektir. Başqa vaqıt – kündüz tahminen +10 ve gece +7 derece olacaqtır.
Yaltada mart başı yağmurlı olacaq, bundan soñ aman-aman bütün ay devamında küneş parıldaycaq. Qırımnıñ Cenübiy yalısında ava arareti aynıñ başında +13+15, ortasında +5+7 ve aprelge yaqın +16 dereceni teşkil etecektir.
Kezlevde (Yevpatoriya) yağmurlı künler çoqça olur. Ava arareti ay başında tahminen +12 dereceni teşkil etecek, bundan soñ bir qaç derece suvuqça olur, ve soñra +13+15 sıcaq olacaqtır.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
