Rusiye prezidentiniñ matbuat kâtibi Dmitriy Peskov Vladimir Putin ve onıñ ukrain zenaatdaşı Petro Poroşenkonıñ telefon vastasınen iş muzakereleriniñ keçirilgenini tasdıqladı.
«Avdeyevkada ateş toqtatma muzakere etilmedi. Vaziyet kerginleşkeninen bağlı mesele boyunca söz yürsetildi», – dep bildire RİA Novosti Peskovnıñ sözlerini.
Matbuat kâtibi qayd etti ki, bir qaç telefon lafı oldı. Mühbirlerniñ muzakereler kimniñ teşebbüsinen keçirilgen sualine Peskov ayttı ki, başqa bir malümat berip olamay.
Bundan evel Poroşenkonıñ matbuat hızmeti bildirdi ki, ukrain prezidenti eki kere Putinnen Donbasstaki vaziyetni muzakere etken edi.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
