«Levada-merkezi» içtimaiyatçıları 2017 senesi sorav keçirdi, neticede Rusiye sakinleri neden ğururlanğanı ve neden utanğanını belgiledi. 1999 senesinden başlap keçirilgen soravnıñ neticeleri mart 1-de taqdim etildi.
Rusiyelilerniñ ğurur cedvelini tizmek içün içtimaiyatçılar sorav iştirakçilerine Rusiye tarihından teklif etilgen bir qaç vaqianı saylamağa rica etti. Birinci yerni 1941-1945 seneleri Ulu Vatan cenkinde ğalebe aldı – böyle cevapnı respondentlerniñ 83 faizi berdi.
Ekinci basamaqta bu soravda ilk sefer peyda olğan «Qırımnıñ Rusiye Federatsiyası terkibine qaytarılması» cevabı yerleşti (soravğa çekilgenlerniñ 43 faizi). Üçünci yerde Rusiyeniñ kâinatnı menimsevi oldı (41%).
Bunen beraber, içtimaiyatçılar rusiyelilerden neden, bu cümleden XX asır Rusiye tarihındaki qaysı vaqialardan, utanğanını sorağan edi. Respondentlerniñ, birinci soravda kibi, bir qaç cevap variantını saylamağa aqqı bar edi.
Rusiyeliler neden utana?
20-50-ci seneleri yüz bergen repressiyalar, terror, halqlarnıñ sürgünligi – 22%; Ğarptan daimiy şekilde artta qaluv – 20%; tenbelligimiz – 14%, dep bildire Snob.
İçtimaiy ağlardaFacebook,Vkontakte,Odnoklassnikisaifelerimizge, bunen beraber,Telegramdakanalımızğa qoşulıñız ve eñ aktual ve meraqlı malümatlardan haberdar oluñız.
