Qırımda 5 biñ adam bütün gece devamında 3 yaşındaki balanı qıdıra edi (VİDEO)

05.03.201711:00

Tünevin, mart 4-te, Qarasuvbazar rayonınıñ Köktaş (Sinekamenka) köyünde Ablâkim adlı 3 yaşındaki bala ğayıp oldı. Onı bütün köy sakinleri qıdıra edi, qıdıruvğa yarımadanıñ çeşit köşelerinden kelgen qırımtatarlar qoşuldı.

Bala ormanda, evinden bir qaç kilometr uzaqlığında tapıldı. Qıdıruv iştirakçileri bildire ki, Ablâkimni beş biñden ziyade insan qıdırdı, olar, bir qaç saat içinde qırımtatar göñüllileriniñ çağıruvına kelip toplaştı.

Aqay kişilerni bu yerge projektorlar, fenerler, sıcaq urba, sıcaq çay-qavenen kelmege, qalğanlarnı ise dua etmege çağırdılar.

Oğlan tapılğanda, ilk olaraq, onıñ tatası qayda olğanını soradı. Belli oldı ki, Ablâkim büyük balalarnen beraber ormanğa aqbardaqlarnı cıymağa barğan, amma bir an ğayıp olğan.

Fevqulade vaziyetler nazirliginiñ Qırım idaresi de ğayıp olğan balanı qıdıruvda iştirak etken edi.


İçtimaiy ağlardaFacebook,Vkontakte,Odnoklassnikisaifelerimizge, bunen beraber, Telegramdakanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası