Mart 5-te aqşam Aqmescitteki eki qatlı evde yanğın yüz berdi.
Bu aqta Qırım Fevqulade vaziyetler nazirligi bildire.
Dairelerden birinde ateş peyda olğanı aqqında haber qurtaruv hızmetine saat 19:54-te keldi. Vaqia yüz bergen yerge kelgen qurtarıcılar belgiledi ki, evdekiler binanı terk etip, ateşni söndürip başladı.
Binalar biri birine yaqın yerleşkeni, bunen beraber, ateş eñ uzaq ve irişilmesi zor olğan yerde alevlengeni içün o yerge yanğın tehnikası keçip olamağanı sebebinden ateşni söndürmek pek qıyın edi. Yol areketi havfsızlığı devlet inspektsiyası Sovetskaya meydanından Kirov soqağında, mahsus tehnika vaqia yüz bergen yerge keçsin dep, areketni toqtattı.
Aqşam saat on yarımğa yaqın ateş söndürildi. Yanğın 100 kvadrat metrni qaplap aldı. Elâk olğan ve zararlanğanlar yoq.
İçtimaiy ağlarda Facebook,Vkontakte,Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
