Qarasuvbazar (Belogorsk) rayonınıñ Köktaş (Sinekamenka) köyünden 3 yaşındaki Ablâkim adlı bala Qarasuvbazar merkez rayon hastahanesine ketirildi.
«Şimdiki vaqıtta bala Qarasuvbazar merkez rayon hastahanesine umumiy aşırı suvutma diagnozı ile ketirilgen, onıñ sağlıq alı istiqrarlı sayıla. Oña nisbeten bir-de-bir zorbalıq yapılğanını bildirgen alâmetler belgilenmedi», – dep bildire Rusiye Taqiqat komitetiniñ Qırım boyunca Baş taqiqat idaresiniñ matbuat hızmeti.
Avdetniñ bildirgenine köre, mart 4-te Ablâkim büyük balalarnen beraber ormanğa aqbardaqlarnı cıymağa barğan, amma bir an ğayıp olğan. Oğlannı bütün köy sakinleri qıdıra edi, qıdıruvğa yarımadanıñ çeşit köşelerinden kelgen qırımtatarlar qoşuldı.
İçtimaiy ağlarda Facebook, Vkontakte,Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
