Mart 8-de Qırımda küneşli ve sıcaq, amma yelli ava olacaqtır.
Bu aqta Qırım regional gidrometeorologiya merkezi bildire.
Raatlıq kününden soñ yarımadada yağmurlar yağacaqtır.
Aqmescitte (Simferopol) deñişici ava, yağanaqlar beklenilmey. Saniyede 7-12 metr suratınen cenüp-şarqiy yel esecek. Ava arareti gece +5+7, kündüz +18+20 dereceni teşkil etecek.
Aqyarda (Sevastopol) ava bulutlı olacaq, bu yerde de iş künleri yağmur yağmaycaq, amma afta soñu yağanaqlar beklenile. Saniyede 5-10 metr suratınen şarqiy yel esecek. Ava arareti gece +4+6, kündüz +12+14 dereceni teşkil etecek.
Yaltada cumaaqşamına qadar küneşli ava olacaq, cumadan bazarertesi kününe qadar yağmur yağacaqtır. Ava arareti gece +9+11, kündüz +14+16 dereceni teşkil etecek.
Kezlevde (Yevpatoriya) aynı ava vaziyeti beklenile: cuma kününden başlap yağmur yağacaqtır. Saniyede 5-10 metr suratınen yel esecek. Ava arareti gece +6+8, kündüz +13+15 dereceni teşkil etecek.
Keriçte deñişici bulutlı ava beklenile, salı ve cumaertesi künleri yağmur yağması mümkün. Ava arareti gece +5+7, kündüz +11+13 dereceni teşkil etecek.
İçtimaiy ağlarda Facebook,Vkontakte,Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.