Polozov onıñ sorğuğa çekilmesi aqqında taqiqattan aldın teşkerüv çerçivesinde iza etti

06.03.201715:00

Mart 6-da adliyeci Nikolay Polozov Rusiye Taqiqat komitetiniñ Qırım boyunca Baş taqiqat idaresinde taqiqattan aldın teşkerüv çerçivesinde iza etti.

İş boyunca teşkerüv müddeti – mart 9-ğa qadardır.

«Taqiqattan aldın teşkerüv çerçivesinde Rusiye Federatsiyası Taqiqat komitetiniñ Qırım boyunca Baş taqiqat idaresinde şimdi meni qanunsız, mecburiy şekilde RF Federal Havfsızlıq hızmetiniñ Qırım ve Aqyar boyunca idaresine ketirgenleri adliye hızmetimni yapqanımnen bağlı vaziyetler boyunca şaat olaraq qanunsız sorğuğa çekkenleri meselesi boyunca iza berdim. Er şey bayağı korrekt şekilde keçti», – dep aytıla adliyeciniñ Facebook saifesindeki beyanatında.

Avdetniñ evel bildirgenine köre, mart 2-de Nikolay Polozov haber etti ki, onı mart 6-ğa Rusiye Taqiqat komitetiniñ Qırım boyunca Baş taqiqat idaresine «teşkerüv malümatı boyunca iza bermesi içün» çağırdılar.

Bundan evel belli olğanına köre, adliyeci Nikolay Polozovğa nisbeten dekabr 20-de cinaiy iş devam ettirildi.

Фото аватара

Автор: Редакция Avdet

Редакция AVDET