Evelina Bahtışayevanıñ tedaviylenüvine Bağçasarayda keçirilecek kontsertte para cıyılacaq

07.03.201713:40

Mart 11-de Bağçasaray Medeniyet evinde «Dobro mira. Bağçasaray» göñülliler gruppası tarafından teşkil etilgen hayriye kontserti keçirilecek. Cıyılacaq para Evelina Bahtışayevanıñ tedaviylenüvine teslim etilecek.

Qız içün kerekli ilâc almasına 200 biñden ziyade ruble kerek. Göñülli Feride Belâlovanıñ sözlerine köre, bugünki künge qadar, çeşit hayriye master-klasslar keçirilmesinden ve vatandaşlarnıñ yardımı ile 141 biñ ruble cıyıldı.

Kontsert programmasında qırımtatar yır ve oyun ansamblleri, bundan da ğayrı, merasim musafirlerini balet ve kiçik balalarnıñ icrasında «Latifa-dance» oyunları bekley.

Kontsert cumaertesi künü, mart 11-de saat 15:00-te nevbetteki adres boyunca keçirilecek: Bağçasaray ş., Simferopolskaya soqağı, 15 (Medeniyet evi).

Biletlerni «Dobro mira. Bağçasaray» göñüllisi Feride Belâlovadan (Facebook, Vkontakte), ya da nevbetteki telefon nomeri vastasınen satın almaq mümkün: +79780043808.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET