Yalta qış sport çeşitleriniñ yaz paytahtı olacaqtır

07.03.201716:00

Qırım kurort paytahtında qış sport çeşitleri içün şaraitni inkişaf etecek olalar.

Bu aqta Yalta şeer yolbaşçısı Andrey Rostenko «Sputnik v Krımu» radiostantsiyasınıñ yayınında ilân etti.

«Mart 8-de taylaqnıñ açılması planlaştırıla. Aman-aman bütün cedvel endi planlaştırılğan. Ve ümüt etem ki, Yalta qış sport çeşitleriniñ yaz paytahtı olacaqtır», – dep ayttı Rostenko.

Yaltada taylaq arenası tamir etilgeninden soñ ilk ziyaretçilerni mart 8-de qarşılamağa planlaştıra.

Taylaq meydançığınıñ keñleştirilmesi boyunca işler 2016 senesi oktâbr ayında başlandı. Onı 56×26 metrge qadar keñleştirdiler. Şeer ükümetiniñ fikrince, bu, yañı mevsimde yahşı taylaq arenasında sport yarışlarını keçirmek imkânını berecektir.

Tamir etilgen taylaq mahsus odalarnen, yani soyunuv odaları, duş odalarınen teminlengen.

Qayd etmek kerek ki, Soçide stadionlar, sport ve yardımcı obyektler ve muvaqqat infrastruktura quruvına, bunen beraber, 2014 senesi qış Olimpiadası ve Paralimpik oyunlarınıñ teşkil etilmesi ve keçirilmesine umumen olaraq 324,9 milliard ruble sarf etildi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası