Aqmescitte 20 «aqıllı» turaq qoyulması teklif etildi

09.03.201716:15

«Şeer innovatsiyaları» müessisesi Aqmescitte (Simferopol) 20 yüksek tehnologiyalı turaqnı qoymağa teklif etti.

Bu aqta Qırım paytahtı memuriyetinde müessise temsilcilerinen keçirilgen memuriyet yolbaşçısı muavini Aleksandr Ovdiyenkonıñ toplaşuvında söz yürsetildi.

«Şeer innovatsiyaları» cemaat naqliyesini qullanğan Aqmescit sakinleri ve musafirleri içün hızmetler keyfiyetini yükseltecek leyhanıñ ömürge keçirilmesi çerçivesinde «aqıllı» turaqlarnı qoyacaq ola.

Hatırlatamız ki, Aqmescitte birinci «aqıllı» turaq «Şeer innovatsiyaları» müessisesi tarafından Kirov caddesinde keçken sene ediye olaraq qoyuldı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.