Yazda Qırımda ukrain aydayıcı şeadetnameleri içün cezalap başlaycaqlar

09.03.201714:38

Ücretli olaraq çalışqan ve ukrain aydayıcı şeadetnameleri olğan Qırım avtomobil saipleri bu sene iyün 1-ge qadar rusiyeli aydayıcı şeadetnamelerini almalı.

Bu aqta İçki işler nazirliginiñ Qırım Cumhuriyeti boyunca Yol areketi havfsızlığı devlet idaresiniñ (YAHDİ ) müdiri Anatoliy Borisenko bildirdi.

«Ücretli olaraq çalışqan aydayıcılar iyün 1-den başlap qattı şekilde mesüliyetke celp etilecek. Deñiştirilmegen ecnebiy şeadetname içün büyük cezalar olacaq. Em de sanktsiyalar böyle aydayıcılarğa iş bergen müessiselerge nisbeten qullanılacaq», – dep añlattı Borisenko.

Bunen beraber o qayd etti ki, şimdiki vaqıtta Qırımda eski aydayıcı şeadetnameleri bedava ve imtiansız deñiştirile.

«Şimdiki vaqıtta aydayıcı şeadetnamelerini imtiansız ve ücretsiz deñiştiremiz. Kelecekte bu nasıl yapılacağını aytıp olamayım, amma aydayıcı şeadetnamesini deñiştirmege istegenler içün qapımız açıq», – dep ayttı Qırım YAHDİ müdiri, dep bildire «RİA-Krım».

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET