Aqmescitte Black Star Burger açılacağı aqqında haber feyk oldı

10.03.201715:55

Black Star Burger ve «RusBurger» restoranları Qırımda bölüklerini açmay.

Bu aqta bu ağnıñ temsilcileri bildirdi.

Bundan evel haber etildi ki, Aqmescitteki (Simferopol) demiryol vokzalı rayonında evel McDonald’s yerleşken binada belli rusiyeli repçi Timatiniñ Black Star Burger restoranı açılacaq. Bundan da ğayrı, içtimaiy ağlar qullanıcıları bu binada «RusBurger» yerleştirilecegi aqqında malümatnı muzakere etken edi.

«Moskva tışında restoranlar açılması planlarımızda yoq», – dep ayttı Black Star Burger temsilcileri.

«RusBurger» reberleri ise bildirdi ki, şirketniñ aktivleri Qırımda endi satıldı.

«RusBurger» Aqmescitte açılmay ve Aqyarda (Sevastopol) qapatıla. Rebrending keçirilecek – diger saipler ve diger brend olacaq. Biz Qırım aktivlerimizni sattıq. Qırımda yer yahşı, amma sebepler, içki sebeplerdir, iç te siyasetnen bağlı degil», – dep ayttılar şirkette.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET