Aqmescitte yanğın neticesinde üç insan elâk oldı

10.03.201711:05

Bugün, mart 10-da gece Aqmescitte (Simferopol) Miçurin soqağı, 12 adresi boyunca yerleşken evlerniñ birinde yanğın yüz berdi, elâk olğanlar bar.

Bu aqta Rusiye Fevqulade vaziyetler nazirliginiñ Qırım Cumhuriyeti boyunca idaresiniñ matbuat hızmetinde bildirdiler.

«Üç insan elâk oldı. Tahminlerge köre, yanğın sebebi, ev içinde yanğın havfsızlığı qaideleriniñ bozulması oldı. Taqiqat organları elâk olğanlarnıñ ölüm sebeplerini ögrenecek», – dep ayttılar matbuat hızmetinde.

Ateş beş qatlı evniñ dörtünci qatındaki daireniñ odasında 5 kvadrat metrni qaplap aldı. Yanğın saat 02.38-de söndürildi. Umumen olaraq, 16 insan ve 6 tehnika, bu cümleden, Rusiye Fevqulade vaziyetler nazirliginden 11 insan ve 4 tehnika celp etildi, dep bildire «KİA».

Foto: İnternet

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET