Qırımtatar faali Odessa vilâyetinde yolbaşçı vazifesinden boşatıldı

10.03.201722:15

Qırımtatar faali Arsen Jumadilov Odessa vilâyeti Belâyevka rayon devlet memuriyetiniñ reisi vazifesinden ketti.

Onıñ sözlerine köre, fevral ayında o öz isteginen ariza yazdı, qaysı birine gubernator qol tuttı, ve buña esaslanıp, Ukraina prezidenti ferman çıqardı.

Jumadilov qayd etti ki, işten ketmekniñ sebebi, «qırımtatar milliy areketinde qıtaiy Ukrainada şahsen iştirak etüvge» qaytmaq istegi oldı.

«Rayon devlet memuriyetinde alınğan bilgi ve tecribe böyle iştirak etüvge isse qoşmaq kerektir», – dep ayttı sabıq yolbaşçı.

Bundan evel Arsen Jumadilov Qırımtatar halqınıñ aq-uquqları boyunca Prezidentniñ vekâletlisi Mustafa Cemilevniñ apparatında çalışqan edi. 2016 senesi avgust ayında ise, Odessa vilâyet devlet memuriyeti yolbaşçısınıñ muavini vazifesini eda etüvine namzet yarışında ğalip çıqtı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.