Aqmescitteki sabıq McDonald’s binasında rusiyeli repçi Timatiniñ burger qavehanesi açılacaqtır.
Instagram içtimaiy ağında bildirilgenine köre, Timatiniñ «yıldızlı burgerhanesi» açılışı mayıs 1-ge planlaştırılğan. İlânda aytıla ki, aqşamnıñ şef-aşçısı Timati olacaqtır.
Şimdiki vaqıtta binada tamir işleri alıp barıla. Bundan da ğayrı, sabıq McDonald’s qorasında hadimler işke davet etilgeni aqqında ilân peyda oldı.
Timatiniñ birinci burger qavehanesi Moskvada Yañı Arbatta 2016 senesi küzniñ başında açıldı.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.