Avropa futbol assotsiatsiyaları birligi (UEFA) Qırımda futbol inkişafına €1 million ayırdı.
Bu aqta Qırım futbol birliginiñ (QFB) matbuat hızmeti bildire.
Matbuat hızmetiniñ bildirgenine köre, cuma künü Nyondaki UEFA ştab-dairesinde UEFA icra komitetiniñ azası Frantişek Laurinets, UEFA milliy assotsiatsiyaları bölüginiñ müdiri Zoran Lakoviç, QFB reisi Yuriy Vetoha, QFB işleri idarecisi Olga Bezuglovetsniñ, bunen beraber, UEFA maliye ve adliye bölükleri temsilcileriniñ iştiragi ile iş toplaşuvı keçirildi. Eki taraf körüşüvi çerçivesinde Qırımda futbol inkişafınen bağlı eñ aktual meseleler muzakere etildi ve bularnıñ çezüv yolları belgilendi.
«Hususan, kiçik futbol meydançıqları quruvınen bağlı UEFA-nıñ «Het-trik» programması aqqında söz yürsetildi», – dep qayd etile matbuat hızmetiniñ beyanatında.
Qırım futbol birliginiñ UEFA mahsus statusı bar. Teşkilât 2015 senesi iyül ortasında resmiy olaraq qayd etildi. Birinci Qırım çempionatı 2015 senesi avgust 22-den 2016 senesi iyün 4-ke qadar keçirilgen. O vaqıt çempionatta sekiz taqım iştirak etti. Aqmescitli «Tavriya» futbol klubı ğalip çıqtı.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
