Qırımda mart ayınıñ orta künleri sıcaq, amma yağmurlı olacaq.
Bu aqta regional gidrometeorologiya merkezi bildire.
Afta soñu künlerinden başlap, eñ azdan, kelecek aftanıñ ortasına qadar tuman, sağanaqlar ve yel olacaq.
Aqmescitte ava vaziyeti:
Mart 11: deñişici bulutlı ava. Yağmur yağacaqtır. Saniyede 7-12 metr suratınen şarqiy yel esecek. Ava arareti gece +6+8, kündüz +16+18 dereceni teşkil etecek.
Mart 12: deñişici bulutlı ava. Gece yağmur, kündüz bazı yerlerde qısqa yağmur yağacaqtır. Saniyede 8-13 metr suratınen şarqiy yel esecek. Ava arareti gece +6+8, kündüz +13+15 dereceni teşkil etecek.
Mart 13: deñişici bulutlı ava. Gece ve kündüz yağmur yağması beklenile. Saniyede 7-12, bazı yerlerde 15 metr suratınen şimal-şarqiy yel esecek. Ava arareti gece +5+7, kündüz +11+13 dereceni teşkil etecek.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
