Qırımdaki köyde yanğın vaqtında beş adam qurtarıldı

13.03.201717:30

Bugün, mart 13-te İslâm Terek (Kirovskoye) köyünde yüz bergen yanğın vaqtında 5 adam qurtarıldı.

Bu aqta Rusiye Fevqulade vaziyetler nazirliginiñ Qırım Cumhuriyeti boyunca Baş idaresiniñ matbuat hızmeti bildire.

Dzerjinskogo soqağı, 21-b adresi boyunca yüz bergen vaqia aqqında haber qurtaruv hızmetine saat 09:07-de keldi. Yanğın beş qatlı evniñ 4-ci qatındaki eki közlü dairede yüz berdi.

«Yanğın yüz bergen yerde 5 adam tapıldı, olar öz küçünen fevqulade vaziyet yerini terk etip olamağan edi. Şahsiy taqım adamlarnı havflı zonadan tahliye etti ve olarnı acele tibbiy yardım ekimlerine teslim etti», – dep bildirdiler FVN-de.

Saat 09:56-da 15 kvadrat metrni qaplap alğan ateş tolusınen söndürildi. Şahsiy eşyalar, tehnika, mefruşat yoq etildi.

Elâk olğan ve zararlanğanlar yoq. Qurtarılğan adamlar hastahanege barmaqtan vazgeçti.

Avdetniñ bildirgenine köre, mart 10, gece Aqmescitte (Simferopol) Miçurin soqağı, 12 adresi boyunca yerleşken evlerniñ birinde yanğın yüz berdi, neticede üç insan elâk oldı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET