Avropa birligi Rusiyege qarşı Qırımnen bağlı vaziyetten sebep sanktsiyalarnı devam ettirdi

14.03.20179:40

Mart 13-te Avropa birligi Şurası Ukraina topraq bütünligi ve mustaqilligini bozuvnen bağlı kirsetilgen sanktsiyalarnı daa yarım yılğa uzattırdı. Bu müddet 2017 senesi sentâbr ayına qadar devam etecek.

Bu sanktsiyalar, aktivlerni buzlatuv ve 150 şahıs ve 37 teşkilât içün Avropa birligine kiriş yasaq etilgeninden ibarettir.

Qarar yazılı şekilde tasdıqlandı ve mart 14-te, Avropa birligi Resmiy mecmuasında derc etilgen soñ, işke tüşürilecek.

«Cedvel yañıdan baqıldı ve Avropa birligi Şurası bundan eki elâk olğan kişiniñ adını çıqardı. Şimdiki vaqıtta bu sıñırlavlar 150 insan ve 37 teşkilâtqa nisbeten kirsetilgen», – dep aytıla AB Şurasınıñ beyanatında.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.