Avropa parlamentinde Qırımdaki vaziyet boyunca muzakereler keçirilecek

15.03.20179:00

Mart 16-da, cumaaqşamı künü Avropa parlamentinde Qırımdaki vaziyet ve Rusiyede bulunğan ukrain siyasiy mabusları meselesi boyunca debatlarnıñ keçirilecegi aqqında ilân etildi.

Alâqalı malümat Avropa parlamentiniñ 2017 senesi mart 13-16 künleri keçirilecek toplaşuvlarnıñ kün tertibinde derc etilgen.

«Rusiyede bulunğan ukrain siyasiy mabusları ve Qırımdaki vaziyet» serlevalı debatlar kün başında keçirilecek dep bildire «Qırım.Aqiqat».

Mart 23-te Avropa birligi Şurası Ukraina topraq bütünligi ve mustaqilligini bozuvnen bağlı kirsetilgen Rusiyege qarşı sanktsiyalarnı daa yarım yılğa uzattırdı. Bu müddet 2017 senesi sentâbr 15-ke qadar devam etecek.

İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.