Mart 15-te tahminen saat 16:00-da Kefede (Feodosiya) Federal havfsızlıq hızmeti (FSB) hadimleri Emil Muhteremovnı tuttı.
Bu aqta Qırımtatar Qurultayınıñ Merkeziy saylav komissiyasınıñ reisi Zair Smedlâyev, Abdullah Yaqubovnıñ malümatına esaslanıp, Facebook saifesinde bildirdi.
«O, dostunen beraber banktan çıqtı, o yerde iş boyunca bulundı, ekisi de maşnağa oturdı, bu yerge dört adam çapıp keldi, onıñ aydayıcı qapını açtı, FSB hadimleriniñ şeadetnamelerini taqdim etip, onı maşnadan çıqardı, öz «Niva» avtomobiline oturttı ve bölükke alıp ketti», – dep bildirdi Yaqubov.
Biraz vaqıt keçken soñ, Emil dostuna telefon etip, Kefe şeeri FSB bölüginde bulunğanını bildirip oldı.
Bundan soñ belli oldı ki, FSB hadimleri Muhteremovnı Zıbino köyünde yiberdi.
Bunen beraber belli ki, Emil Muhteremov daima İçki (Sovetskiy) rayonındaki Savurçı (Zavetnoye) köyünde yaşay.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
