UEFA eyyeti yazda Qırımnı ziyaret etecek ola

16.03.201719:40

UEFA 2017 senesi iyün ayına qadar Qırımğa Avropa futbol assotsiatsiyaları birliginiñ eyyetini yollamağa niyetlengenini tasdıqladı.

Bu aqta Qırım futbol birliginiñ matbuat hızmeti bildire.

«Bellesem, Frantişek Laurinets sanktsiyalar nizamı sebebinden kelip olamaz, lâkin Zoran Lakoviç pek ruhlanğan, o kele bile. UEFA temsilcileri aprel ayında hususan Yalta Halqara iqtisadiy forumı çerçivesinde sport bölügine kelip olamasa bile, olarnı er angi başqa vaqıtta bekleymiz ve Qırımda futbol inkişafı aqqında muzakerelerge azırmız. Bizge UEFA olarnıñ eyyeti er alda Qırımğa bu seneniñ iyün ayına qadar kelecegini endi tasdıqladı», – dep bildirdi Qırım futbol birliginiñ reisi Yuriy Vetoha.

Avdetniñ evel bildirgenine köre, Avropa futbol assotsiatsiyaları birligi Qırımda futbol inkişafına €1 million ayırdı.

İçtimaiy ağlarda Facebook,Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası