Aqmescitte eki uçaq az qaldı çatışqanınıñ sebebi belli oldı

18.03.201713:25

Tünevin, mart 18-de «Airbus А320» uçağı Aqmescit (Simferopol) ava limanınıñ perronından areket etip, areket etüv yolundan uçuv alanınıñ planlaştırılğan qısmına çıqtı. «Ural ava hatları» şirketiniñ uçağı, içinde 68 yolcu olıp, Yekaterinburg şeerine ketmek kerek edi. Olardan kimse zararlanmadı.

«İlk malümatlarğa köre, terminaldan areket etüv vaqtında erkân bozuvnı belgiledi, bu ise, uçaqqa areket etmekni devam etmege, bundan ziyade uçmağa, imkânını bermey edi. Aqmescit ava limanında areket etüv yollarınıñ şekli böyle ki, uçaq bozuv belgilengen yerde buksirni beklemege qalsa edi, ava limanı işi belli olmağan bir vaqıtqa toqtatılır edi. Ava limanı qapatılmaq kerek olur edi», – dep añlattılar şirkette.

Matbuat hızmetiniñ malümatına binaen, ava limanını blok etmemek içün, uçaq komandanı areket etüv yolunı boşatmağa qarar aldı, böyle etip, diger uçaqlarğa terminaldan uçuv-eniş yoluna ve arqa tarafqa areket etmege imkân berdi.

Avdetniñ evel bildirgenine köre, «Ural ava hatları» şirketiniñ eki Airbus uçağı Aqmescit (Simferopol) ava limanındaki uçuv-eniş yolunda az qaldı çatışacaq edi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.