Qırımda ğayıp olğan qırımtatarnı tapmağa çağıralar

18.03.20178:15

Qarasuvbazar (Belogorsk) rayonınıñ dağlı yerlerinde yerleşken Sartana (Alekseyevka) köyünde aqay kişi ğayıp oldı.

Bu aqta qırımlı fotoraf İldar İbragimov içtimaiy ağlarda bildirdi.

O, aqaynıñ adını bildirdi (Mudessir), onıñ tahminiy yaşı 60-tır, orta boylu, onıñ közü yaramay köre.

İldar İbragimovnıñ malümatına binaen, aqay kişi dört kün evel ğayıp oldı. O, köpeginen beraber ormanğa odun almaq içün bardı. Bundan soñ köpek qayttı, saibi ise yoq.

İbragimov lâqayt olmağanlarnı aqay kişini tapmaq içün qıdıruvğa qoşulmağa çağırdı, qıdırıcı köpeklernen adamlar celp etilse de yahşı olur. Bunen beraber o, ğayıp olğan kişi yaşağan köyge yolnı añlattı (Qarasuvbazardan Kefe yolu boyunca, Privetnoye köyüne burulış, Başı (Golovanovka) köyüne yetmezden solğa, dağlar tarafına burulış). Bağ içün telefon: +79787425792 (oğlu Mustafa); +79787851472 (Server).

Avdetniñ evel bildirgenine köre, mart 4-te bir qaç biñ qırımtatar Qarasuvbazar rayonınıñ Köktaş (Sinekamenka) köyü yaqınlarında yerleşken ormanda 3 yaşındaki Ablâkim Ablâkimovnı tapmağa yardım etti.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası