Mart 19-da Aqmescit (Simferopol) ava limanına Sırbistan ve Çehiya temsilcileri keldi.
Bu aqta «RİA Novosti Krım» bildire.
«Bu, Sırbistan radikal firqasından Sırbistan Halq skupşinası (parlament) deputatları Milovan Boiç ve Dubravko Boiç, Sırbistan radikal firqası prezidiumınıñ azası Aleksandr Şeşel, sırbistanlı yazıcı ve siyasetşınas, Banâ-Lukskiy universitetiniñ professorı Srdja Trifkoviç, bunen beraber, Çehiya Cumhuriyeti parlamentiniñ deputatalar palatası azası Yaroslav Goliktir», – dep aytıla beyanatta.
Neşirde qayd etile ki, taqım terkibine «Avropanıñ bir sıra diger devletleriniñ (bu cümleden Büyük Britaniya ve Pribaltika devletleri) milliy parlamentleri deputatları, bunen beraber, Braziliya, Qırğızistan ve Ukrainadan siyasetçiler kirecek».
Deputatlar taqımı yarımadada mart 19-21 künleri bulunacaq. Qayd etile ki, ziyaret Qırım baari vaqialarınıñ üç yıllığına bağışlanğan.
Foto: RİA Novosti
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
