Aqyar-Yalta yoluna büyük taş yıqıldı

21.03.201711:05

Içtimaiy ağlar qullanıcıları bu künleri Aqyar-Yalta yoluna büyük taş yıqılğanını bildire.

Mart 20-de Fevqulade vaziyetler nazirliginiñ hadimleri yıqılğan taşnı yoldan aldı.

Bundan da ğayrı, içtimaiy ağlar qullanıcıları Aqmescit-Aqyar yolunıñ bozulğan qısmını köstergen fotoresimlerni paylaşa. Fotolarda körüne ki, topraq tayması neticesinde bozulğan Aqmescit-Aqyar (Simferopol-Sevastopol) yolunıñ bir qısmı (Belbek (Fruktovoye) köyünden Mekenzi dağlarına yoquş) kün-künden ziyade bozula.

Qırım Fevqulade vaziyetler nazirligi Qırım idaresi mart 19-da ve mart 20-ge keçer gecesi yarımadada furtuna havfını ilân etken edi.

Keriçte mart 19-da «Zmeinka» rayonında garaj kooperativi yalısına furtuna bir qaç metrlik borularnı alıp ketirdi. Borularnı deñizde ve iskelede körmek mümkün.

Foto: Avtopartner Krım | DTP DPS PDD

İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET