Mart 20-de Qırımda Bağçasaray civarındaki Biy Eli (Dorojnoye) köyü rayonında üç maşnanıñ iştiragi ile qaza yüz berdi, neticede avtomobillerniñ biri Alma özenine yıqıldı.
Qaza iştirakçisiniñ sözlerine köre, onı yolda beyaz VAZ maşnası ozıp keçti, soñra bu VAZ burulışqa kirip olamadı ve qarşı taraf yoluna çıqtı, o vaqıt anda Ford maşnası kete edi. Urulmamaq içün, avtomobil yol kenarına çıqtı ve özenge yıqıldı.
«Men Aqmescit tarafına kete edim, beyaz VAZ maşnası meni ozıp keçti, o yerde soñ burulış bar, o bu burulışqa kirip olamadı ve qarşı taraf yoluna çıqtı, işte o yerde Ford maşnası kete edi. Ford aydayıcısı urulışnı qaçırdı, amma yol kenarına çıqtı… O, bu özenge yıqıldı. VAZ aydayıcısı ketti ve toqtamadı bile», – dep yazdı aydayıcı Vkontakte içtimaiy ağındaki «Avtopartner-Krım» pabliginde.
Avdetniñ evel bildirgenine köre, mart 20-de saba Yalta-Aqyar (Sevastopol) yolunda Laspi rayonında «Artek» halqara bala merkezi avtobusınıñ iştiragi ile qaza yüz berdi. Avtobus balalarnı Aqyar ziyaretine alıp kete edi.
Foto: Avtopartner Krım | DTP DPS PDD
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
