«Eurovision» teşkilâtçıları Samoylovağa televizion köprü vastasınen yarışta iştirak etmege teklif etti

23.03.201721:36

Avropa yayınlav birligi (AYB) Birinci kanalğa «Eurovision» yarışınıñ ekinci yarım finalında rusiyeli yırcı Yuliya Samoylovanıñ çıqışını köstergen canlı yayınnı teşkil etmege teklif etti.

Samoylova finalğa keçse, onıñ çıqışı aynı şekilde keçirile bile.

AYB-niñ qayd etkenine köre, yarışnıñ 60 yıllıq tarihında böyle bir şey olmağan edi. Qarar «Eurovision» yarışınıñ inklüziv qıymetlerine» esaslanıp alındı.

«Avropa yayınlav birligi «Eurovision» yarışında iştirak etmek qararını alğan er yayınlayıcı bunı yapsın dep elinden kelgenini yapa», – dep bildirile beyanatta yarışnıñ icra müdiri Djon Ola Sandnıñ sözleri.

Ukrainada Rusiyeniñ yarışta böyle iştiragini qanunsız olğanını sayalar, dep bildire «Gazeta.ru».

«Samoylova çıqışınıñ ukrain televizion kanallarında yayınlanması – bu, onıñ Ukrainağa kirişi kibi, ukrain qanunlarını bozuvdır. Avropa yayınlav birligi bunı köz ögüne almalı», – dep yazdı Ukraina baş naziriniñ muavini Vâçeslav Kirilenko Twitterde.

Avdetniñ evel bildirgenine köre, mart 22-de Kiyev Rusiyeden «Eurovision-2017» yarışınıñ iştirakçisi Yuliya Samoylovanıñ devletke 3 yıl müddeti devamında devletke kirişini yasaq etti.

Hatırlatamız ki, Kiyev, 2016 senesi Stokgolm şeerinde Jamala ğalebe qazanğan soñ, «Eurovision-2017» yarışını keçirmek aqqını aldı. Yarış finalı mayıs 13-te keçirilecektir.

Mart 13-te Avropa birligi Şurası Ukraina topraq bütünligi ve mustaqilligini bozuvnen bağlı kirsetilgen sanktsiyalarnı daa yarım yılğa uzattırdı. Bu müddet 2017 senesi sentâbr 15-ke qadar devam etecek.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET