Bu künleri Rusiye Anayasa mahkemesi (AM) fermannı derc etti ki, vesiqağa binaen, politsiya hadimleri er angi bir kişilik piketlerni, piket iştirakçisi qaideler boyunca areket etse bile, toqtata bile.
Piketni toqtatmaq içün, politsiya hadimlerine piket iştirakçisiniñ ömrü ve sağlığı telüke astında bulunğanını ve onı tek politsiya bölüginde qorumaq mümkün olğanını saysa, yeterlidir. Böyle alda politsiya hadimleri piket iştirakçisini küç qullanıp bölükke alıp kete bile, çünki olar vatandaşlarnı telükelerden qorumaq kerek.
Anayasa mahkemesi rusiyelilerniñ toplaşuv serbestligi ve bir kişilik piketler aqqını kefil etti. Aynı vaqıtta mahkeme politsiya hadimlerini «cemaat tertibi bozuvlarına yol bermemek ve onı saqlamaq içün, bunen beraber bir kişilik piket iştirakçilerini qorumaq içün kelişikli tedbirler» alıp barmaq mecbur etti. Politsiya hadimleri piketni qanunsız toqtasa, mahkeme bunıñ piket iştirakçisiniñ aqqı bozulğanı olğanını sayacaq, dep bildire «Snob».
Anayasa mahkemesiniñ fermanı endi işke tüşürildi. Oña qarşı şikâyet arizasını yazmaq mümkün degil. Anayasa mahkemesi bu qararnı, Vladimir Sergiyenkonıñ şikâyetini baqıp, qabul etti. Onıñ 2015 senesi mayıs 1-de keçirgen bir kişilik piketini politsiya hadimleri toqtattı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
