Ukraina «Eurovision» yarışınıñ bütün iştirakçilerini teşkerecek

23.03.201710:01

Ukraina Havfsızlıq hızmeti (UHH) «Eurovision» yarışınıñ bütün iştirakçileri tarafından ukrain qanunları bozuluvını teşkerecek.

Böyle fikirni Yuqarı Rada deputatı, Ukraina İçki işler yolbaşçısınıñ mesleatçısı Anton Geraşenko bildirdi.

Onıñ sözlerine köre, konkurs iştirakçileriniñ teşkerilüvi devamında iç ayıruv olmamalı.

«Böyle oldı ki, Samoylovanı mesüliyetke celp etecekmiz, ya qalğanları ne olur? Bu nasıl bir ayıruv?», – dep ayttı Geraşenko.

O qayd etti ki, bundan evel, kerçekten de, «bütün iştirakçilerni», bu cümleden, ukrain tarafınıñ fikrince, bundan evel Qırımnı ziyaret ete bilgen Ermenistan yırcısı Artsvik Arutülânnı, «teşkermek kerek» olğanı aqqında ilân etken edi. Şimdiki vaqıtta, deputatnıñ aytqanına köre, yarış iştirakçileriniñ Ukraina qanunlarını bozğanları aqqında iç malümat yoq.

Mart 22-de belli oldı ki, Ukraina Havfsızlıq hızmeti (UHH) Rusiyeden «Eurovision-2017» yarışınıñ iştirakçisi Yuliya Samoylovanıñ devletke 3 yıl müddeti devamında devletke kirişini yasaq etti.

Kiyev, 2016 senesi Stokgolm şeerinde Jamala ğalebe qazanğan soñ, «Eurovision-2017» yarışını keçirmek aqqını aldı. Yarış finalı mayıs 13-te keçirilecektir.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET